السلام عليكم يا أهل المنتدى الغالي - ستار لايت-
أولا نحب نهنأكم بقدوم رمضان وان شاء الله يعود علينا باليمن و البركات
و ندخلو فالموضوع بدون مقدمات ههههههههههههههه أيا نبداو على بركة الله
قالك كاين عرس تاع ناس نعرفوهم
تلقي الام و بناتها معلنين حالة الطوارئ في الدار
و سيرتو في الصيف
تلقاهم مدايرين لاشان قدام الدوش
<<< علا خاطر يأمنو بالقاعدة الفيزيائية لي تقول: أن الأجسام تتقلص بفعل البرودة
و من بعد يدازو على شمبره باه يبدلو حوايجهم و يحطو ماكياجهم و واش خاصهم من تزيان و ستيكاج و خلي برك فوتنا فوتنا هههههههه
و تلقى وحده زعفانه من اللبسه ملقاتش واش تلبس و لخرى تقلك سواري تاعي ميخرجوش على هاد اللبسه يوووووووووووووون و لخرى تقول يا وخذي على روحي راني وليت سميييينه
و لخرى تبكي على لاروب تاعها تقطعتلها من الزربه
مليحة فيها ههههههههههههه
و هوما كامل في سباق معا الزمن
ايا نقولو الحمد لله وجدو رواحهم
يخرجو و يركبو في الطوموبيل بعد ما ينوضها و يسكتها باباهم 10مرات
ايا الحمد لله بداو يمشو حتا سمع باباهم وحده تقول احبس احبس احبس بابا
واش كاين تاني
راني نسيت الساك تاعي
واش من حاله علينا
ربي يجيبك يا طولت البال
المهم مايجي يوصلهم للعرس غير يحلف مايزيد يعاود يديهم و بصراحة لوكان انا نزلهم لتم سير بلاص
و خلي منحكيش واش يصرا في العرس
ايييييييييييييه حكاية اخرى
وحده ترقص تقول عليها خابطها كابل 220
و لخرى تصفق منعرف تصفق لروحها و الا للناس اتبع و فرااااات هههههههههههههه
لخرى كي الزين المتكي لايضحك و لا يبكي
و خلي برك
بلاك انتوما بنات ستار لايت تكونو كيفهم
حلو عينيكم
راني نستنى في آراءكم ههههههههههههههه
وصحا فطوركم
ختكم ريم